شروط الاستخدام

قبول الشروط

باستعمالك تطبيق haeifin أو موقع haeifin.com، إنت موافق على هالشروط وعلى سياسة الخصوصية. الخدمة مقدّمة من فريق haeifin بسوريا.

الخدمة

haeifin دفتر لتسجيل الديون والحسابات بعدة عملات، بيشتغل على تلفونك، مع ميزات أونلاين حسب الباقة. هو أداة تسجيل وتنظيم، مو بنك ولا محفظة ولا وسيط دفع، وما بيحوّل مصاري بين حدا.

حسابك

الحساب اختياري للدفتر، وضروري للاشتراك والميزات الأونلاين. إنت مسؤول عن حماية تلفونك وطريقة دخولك، وعن صحة المعلومات اللي بتدخلها.

الباقات والدفع

• الباقات سنوية، وأسعارها على صفحة الأسعار.
• التجربة المجانية مرة وحدة لكل حساب.
• التفعيل بيصير بعد وصول الدفع.
• الأصدقاء والدفاتر المربوطة مجانية بكل الباقات.
• الاسترجاع: إذا الباقة ما اشتغلت معك متل ما لازم، احكينا خلال 7 أيام من التفعيل ومنحلّ المشكلة أو منرجّعلك المبلغ.
• الكريدت الإضافي للمدير بينضاف لحسابك، واللي انصرف منو ما بيرجع.

بياناتك ومسؤوليتك

دفترك إلك. الأرقام والأسماء اللي بتسجّلها مسؤوليتك، ونحن مو طرف بأي دين أو اتفاق بينك وبين حدا. التقارير والمجاميع التقريبية (بسعر الصرف) للمساعدة، مو نصيحة مالية أو قانونية. خذ نسخ احتياطية دايماً.

المدير

المدير مساعد بالذكاء الاصطناعي، وممكن يغلط أو يفهم غلط. لهيك ما بيسجّل شي بلا تأكيدك، وأي رسالة إنت بتبعتها بإيدك. راجع دايماً قبل ما تأكد.

الاستعمال المقبول

ممنوع تستعمل الخدمة لشي غير قانوني، أو لإزعاج أو تهديد حدا، أو لتخريب الخدمة أو الوصول لبيانات غيرك. منقدر نوقف أي حساب بيخالف هالشي.

التوفّر والتغييرات

الدفتر بيشتغل على تلفونك حتى لو ما في إنترنت. الميزات الأونلاين ممكن توقف شوي للصيانة. منطوّر الخدمة ومنغيّر ميزات، وإذا تغيّرت الشروط منحدّثها هون.

إنهاء الحساب

بتقدر توقف استعمال التطبيق وتطلب حذف حسابك وقت ما بدك: حذف الحساب. دفترك على تلفونك بيضل عندك إلا إذا مسحتو.

حدود المسؤولية

منقدّم الخدمة متل ما هي، ومنعمل جهدنا لتكون دقيقة ومتوفرة. ما منتحمّل مسؤولية خسارة سببها رقم انسجّل غلط، أو قرار مبني على تقرير أو مجموع تقريبي. وبكل الأحوال، مسؤوليتنا ما بتتجاوز المبلغ اللي دفعتو لنا آخر 12 شهر.

القانون والتواصل

القانون المعمول فيه: قوانين الجمهورية العربية السورية. للتواصل: info@haeifin.com.