حذف الحساب والبيانات
كيف تحذف حسابك وبياناتك من سيرفرنا، وشو بيصير بدفترك.
آخر تحديث:
قبل ما تحذف
خذ نسخة احتياطية من دفترك: «صفحتك» ← «النسخ الاحتياطي» ← «احفظ نسخة هلق». وإذا بدك محادثاتك مع المدير، صدّرها من صفحة المدير.
كيف بتطلب الحذف
- ابعتلنا من نفس الرقم أو الإيميل اللي مسجّل فيه على واتساب أو info@haeifin.com، واكتب «بدي احذف حسابي».
- منتأكد إنو الحساب إلك.
- منحذف الحساب خلال 30 يوم كحد أقصى، ومنبعتلك تأكيد.
شو بينحذف
- حسابك وطرق الدخول (Google، الرقم، الإيميل).
- الجلسات والأجهزة ورموز الإشعارات.
- صورتك الشخصية.
- محادثاتك المحفوظة مع المدير.
- الباقات المرتبطة بحسابك.
شو بيضل
- دفترك على تلفونك: ما منوصلو، بيضل عندك لحتى تمسحو (احذف التطبيق أو امسح بياناتو من إعدادات التلفون).
- النسخ الاحتياطية للسيرفر: بتنمحى لحالها خلال 14 يوم.
- سجل مختصر للدفعات (الباقة والمبلغ والتاريخ) إذا طلبو القانون، بلا أي بيانات بطاقة.
بدك تحذف شي واحد بس؟
من التطبيق مباشرة: احذف أي محادثة مع المدير، أو صورتك، أو فك طريقة دخول، أو اطلع من جهاز، بلا ما تحذف الحساب.