كيف فينا نساعدك؟
أدلة قصيرة لكل شي بتعملو كل يوم. وإذا ما لقيت جوابك، احكينا عالواتساب.
دليل
سجّل أول حركة
عطيت حدا أو أخدت منه؟ هيك بتسجّلها.
- اكبس زر + تحت، أو زر «عطيت» أو «أخدت» بالرئيسية.
- اختار الشخص، أو ضيف واحد جديد.
- اختار «عطيته» أو «أخدت منه»، واكتب المبلغ واختار العملة. في آلة حاسبة جوّا الخانة.
- إذا بدك: «استحقاق» مع موعد، أو ملاحظة، أو صورة.
- احفظ، وبيطلعلك «انحفظت الحركة».
دليل
نسخة احتياطية واسترجاع
خذ نسخة من دفترك، ورجّعها على أي تلفون.
- افتح «صفحتك» (الدائرة فوق) ← «النسخ الاحتياطي».
- إذا بدك، شغّل «حماية النسخة بكلمة سر» (8 حروف عالأقل، وما بتنرجع إذا نسيتها).
- اضغط «احفظ نسخة هلق»، وخبّي الملف بمكان أمين: Google Drive أو إيميلك.
- لترجّعها: «استرجاع نسخة» ← «اختار ملف النسخة». الاسترجاع ما بيمحي شي موجود.
دليل
ابعت كشف حساب
كشف لزبون أو صاحب، PDF أو Excel.
- افتح الحساب من «الحسابات».
- اختار الفترة: كل الوقت، هالشهر، أو آخر 3 أشهر.
- صدّر الكشف PDF أو Excel أو CSV وابعتو، أو اكبس «تذكير» لتنفتح رسالة جاهزة عالواتساب.
دليل
اشترك بباقة
من التطبيق أو من الموقع.
- سجّل دخول بالتطبيق (Google أو رقم الموبايل).
- من «صفحتك» افتح «خطتك» واختار الباقة، أو من صفحة الأسعار.
- اضغط «كمّل عالواتساب»، ومنبعتلك طرق الدفع.
- بعد الدفع منفعّل الباقة على حسابك، وبتشتغل فوراً.
دليل
العملات والعملة الأساسية
ضيف عملة، أو غيّر العملة اللي بتشوف فيها المجموع.
- من «صفحتك» افتح «العملات» (عملات الدفتر).
- علّم العملات اللي بتشتغل فيها، أو ابحث عن عملة وضيفها.
- اختار «العملة الأساسية»: هي للمجموع التقريبي بس، ما بتغيّر ولا رصيد.
- حدّث السعر من «صفحتك» ← «أسعار الصرف» وقت ما بدك.
دليل
ربط حساب مع صديق
ليكون الرقم واحد عندك وعندو، ومجاناً دايماً.
- افتح «الأصدقاء» واضغط «أضف صديق».
- وجهاً لوجه: خليه يمسح الكود تبعك. أو ابعتلو رابط، أو اختار من جهات الاتصال.
- بعد ما يقبل، اربط الحساب اللي بينكن.
- كل حركة بتسجّلها بتوصلو ليقبلها أو يعترض.
دليل
استعمل المدير
احكيه أو اكتبلو، وهو بيجهّز.
- اضغط زر المدير فوق بالشاشة.
- اكتب أو احكي: «عطيت خالد مية دولار مبارح» أو «مين أكتر حدا عليه إلنا؟».
- راجع الكرت اللي بيطلع، وعدّل إذا بدك.
- اضغط «سجّل». ولا شي بيتسجّل بلا موافقتك.
أسئلة سريعة
كيف بثبّت التطبيق من ملف APK؟
خطوة خطوة بصفحة التحميل.
بدّلت تلفوني، كيف برجّع دفتري؟
ثبّت التطبيق عالتلفون الجديد، وبعدين «صفحتك» ← «النسخ الاحتياطي» ← «استرجاع نسخة».
غلطت بحركة، كيف بصلّحها؟
افتح صفحة الحساب واكبس على الحركة، وبعدين «تعديل» أو «إلغاء الحركة». التطبيق بيحفظ الأصل والتصحيح.
بقدر أغيّر اللغة؟
إي، من الإعدادات: عربي أو إنكليزي، وأرقام 123 أو ١٢٣.
كيف بحذف حسابي؟
بصفحة حذف الحساب.